काठमाण्डौ,जेठ ९ । नेपालकी आरोही फुन्जो झ्याङ्मु लामाको नाममा रहेको सगरमाथामा महिला छिटो आरोहणको कीर्तिमानी हङकङकी आरोही साङ यी हङले सगरमाथामा सबैभन्दा छिटो आरोहण गरेर तोडेकी छिन ।
उनी शनिबार दिउँसो १ बजेर २० मिनेटमा सगरमाथाको आधार शिविरबाट उकालो लागेर आइतबार दिउँसो ३ बजेर १० मिनेटमा चुचुरो पुगेको खबर आएको सम्पर्क अधिकृत ज्ञानेन्द्र श्रेष्ठले जानकारी दिए ।
यसअनुसार उनले २५ घण्टा ५० मिनेटमा चुचुरो चुम्न सफल भएकी छिन् । नेपालकी महिला आरोही फुन्जो झ्याङ्मु लामाले १५ मे २०१८ मा ३९ घण्टा ६ मिनेटमा सगरमाथा चढेर छिटो चढ्ने कीर्तिमान राखेकी थिइन् ।
पुरुषतर्फको कीर्तिमान भने पेम्बा दोर्जे शेर्पाको नाममा छ । उनले सन् २००४ मा राखेको ८ घण्टा १० मिनेटको रेकर्ड त्यसयता कसैले पनि तोड्न सकेको छैन ।
फोटो साभार : एसिया टाइम्स