मलाई कसैले

ब्याङ्ग्य गरेर

दम्भ र घमण्डका साथ भन्यो

म फूल हु नछोउ,नजिक नआउ

मेरो सुन्दरताको बारे

तिमीलाई थाहा छैन ।

मैले पनि गम्भीर भएर भने

हो-सुन्दर फूलहरु

देखेभन्दा बहुत

सुन्दर हुन्छन्

छिट्टै चुटिन्छन्

छिट्टै कुल्चिन्छन्

किनकि फूलहरु

सोचेभन्दा सुन्दर हुन्छन्

अरुलाई सुन्दरता दिन

फुलेका हुन्छन् ।

मैले पनि हाँसेरै भने

म पनि फूल हुँ

अलि फरक प्रजातिको फूल

म फूल कुल्चनेहरुको

विरोधी फुल हुँ।

म एकोनिटम फूल हुँ

मेरो जोकोही नजिक

आउन सक्दै सक्दैन

यदि भुलेर आएछ भने

मैले उसको मुटुको धड्कन कम

दिमाग बिगार्दिन सक्छु

मेरो पनि नजिक नआउ

मलाई पनि छुने आट नगर

म पनि एक फूल हुँ ।

तर फूलहरु आफु सुन्दर बन्न मात्र हैन?

सबैलाई सुन्दर बनाउन फुलेका हुन्छन्

फुलहरु कुल्चिन कदापि फुलेका हुदैनन् ।

फुललाई सजाउन जान्नुपर्छ

फुलको सुगन्ध अैाधी मीठो सत्य हुन्छ ।

यथार्थ चित्रण गर्नु पर्दा

फुल फुलोस् नफुलोस्

फुल रोप्नु निरन्तरता हो

छरिएका फूलहरुलाई

माला बनाउनु महानता हो

मालानै मालाको

सभ्य संसार बनाउनु यथार्थता हो ।

      (विक्रान्त सी अखिल (क्रान्तिकारी ) केन्द्रीय सदस्य)