तिमी हामीमाथि बमले जुलुम गर
तिमी हामीमाथि तोपहरूले दाग
तिमी हामीमाथि अन्यायका सारा संसार थोपर
तर, म प्रतिरोध गरिरहनेछु
किनकि म प्यालेस्टाइन हुँ
म आफ्नो माटो खोसिएको धर्तीपुत्र हुँ ।
तिमी समुद्रबाट हमला गर
वा तिमी आकासबाट हमला गर
तिमी सुरुङबाट लड वा
हाम्रा बस्तीहरूलाई चिहानमा फेर
तर म प्रतिरोध गरिरहनेछु
किनकि म प्यालेस्टाइन हुँ
म आफ्नो राष्ट्र खोसिएको अनागरिक हुँ ।
किनकि म प्यालेस्टाइन हुँ
म आफ्नो माटो खोसिएको धर्तीपुत्र हुँ ।
तिमी समुद्रबाट हमला गर
वा तिमी आकासबाट हमला गर
तिमी सुरुङबाट लड वा
हाम्रा बस्तीहरूलाई चिहानमा फेर
तर म प्रतिरोध गरिरहनेछु
किनकि म प्यालेस्टाइन हुँ
म आफ्नो राष्ट्र खोसिएको अनागरिक हुँ ।
तिमी बर्बरताले आकास चुम
वा तिमी कोपिलाहरू चुँडेर वसन्त रोक
तिमी अमेरिकी पिछलग्गू बन
वा हाम्रै भूमिमा नयाँ शिखण्डी खडा गर
तर म प्रतिरोध गरिरहनेछु
किनकि म प्यालेस्टाइन हुँ
म आफ्नै भूमिमा भइरहेको अत्याचारविरुद्ध गर्जिरहनेछु ।
हो, म प्यालेस्टाइन हुँ
तिम्रो बर्बरताकै चिहानबाट
नयाँ-नयाँ प्यालेस्टाइन जन्माइरहनेछु ।
( साहित्यकार कुशल बोगटीको हालै प्रकाशित कविता संग्रह बिद्रोहको गीतबाट)